НУРАЛИЕВ Ҳаитмурод, таваллудаш 20. 12. 1952, зодгоҳаш деҳаи Чилчаи ноҳияи Файзобод, омӯзгор, варзишгар. Устоди варзиши СССР оид ба гӯштини дзюдо, Устоди варзиши Ҷумҳурии Тоҷикисто оид ба гӯштини миллӣ, Корманди шоистаи тарбияи ҷисмонӣ ва варзиши Ҷумҳурии Тоҷикистон, Аълочии маорифи Ҷумҳурии Тоҷикистон. Соли 1975 Донишкадаи тарбияи ҷисмонии Тоҷикистонро ро бо ихтисоси муаллими тарбияи ҷимонӣ ва гӯштини тарзи дзюдо хатм кардааст. Солҳои 1975 – 76 омӯзгор дар ноҳияи Куйбишев (ҳозира ноҳияи Абдураҳмони Ҷомӣ), 1976 – 77 муаллими мактаби № 13-и шаҳраки Обигарм, 1977 – 81 директори мактаби варзишии ноҳияи Файзобод, 1981 – 89 раиси комитети варзиши ноҳияи Файзобод, 1989 – 90 муаллими Омӯзишгоҳи касбҳои техникии № 24, 1990 – 95 раиси комитети варзиши ш. Роғун, 1995 – 2000 коргари МКТБ-и Вазорати маорифи Ҷумҳурии Тоҷикистон, 2000 – 02 сардори Раёсати корҳои хоҷагидории Вазорати маорифи Ҷумҳурии Тоҷикистон, 2002 – 06 ноиби ректори Донишкадаи тарбияи ҷисмонии Тоҷикистон буд. Аз соли 2006 ба ҳайси декани факултети варзиши ҳамин донишкада фаъолият дорад.
