ЮСУПОВ Ҳабибулло Ғуломович, таваллудаш 15. 02. 1946, зодгоҳаш деҳаи Дарагиёни ноҳияи Файзобод, генерал-майор. Соли 1965 Омӯзишгоҳи ҳарбии ш. Саратовро хатм намудааст.
Солҳои 1969 – 70 дар ш. Золотоусти вилояти Члябински Федератсияи Россия хизмат кардааст. Солҳои 1970 – 98 дар қисми ҳарбии 6593 ВКД СССР ба ҳайси командири взвод, рота, баталион, сардори ситоди полк ифои вазифа намудааст. Соли 1998 муовини фармондеҳи Қӯшунҳои дохилии ВКД ҶТ ва соли 1999 фармондеҳи Қӯшунҳои ВКД ҶТ таъйин гардид ва дар ин вазифа то соли 2005 кор кард. Солҳои 2005 – 07 командири қисми ҳарбии 5453-и Қӯшунҳои дохилии ВКД ҶТ буд. Ҳоло ба ҳайси мушовири калони фармондеҳи Гвардияи миллии Ҷумҳурии Тоҷикистон фаъолият дорад. Соли 2007 бо ордени «Ҷасорат» сарфароз гардидааст.