ҚАЛАНДАРОВ Самандар Достиевич, таваллудаш 18. 02. 1964, зодгоҳаш деҳаи Хоҷамарди
ҷамоати деҳоти Ҷавонони ноҳияи Файзобод, варзишгар, чемпиони дукаратаи Тоҷикистон (1985, 1986), чемпиони мутлақи Тоҷикистон оид ба дзюдо (1987), Устоди варзишии Иттиҳоди Шӯравӣ дар риштаи гӯштини тарзи озод – дзюдо, самбо, дорандаи медали нуқраи (ҷойи II) Чемпионати ҷаҳон байни собиқадорон (2004). Соли 1985 Донишкадаи тарбияи ҷисмонии Тоҷикистонро хатм кардааст. Аз соли 2010 инҷониб мураббии мактаби кӯдакон ва наврасони ноҳияи Файзобод мебошад. Шогирдони бисёре тарбия намудааст, ки дар мусобиқаҳои минтақавию ҷумҳуриявӣ иштирок карда, соҳиби медалу ифтихорномаҳо гаштаанд ва ифтихори варзиши ноҳияи Файзобод мебошанд. Солҳои 1981 – 89 узви дастаи яккачинии Иттихҳоди Шӯравӣ буд.